MUZÎKA BÊDENG

MUZÎKA BÊDENG

Qey tu tava zivistanê yî ?

Dişewitînî germ nakî

Ger ku orteya çemekî tunebe

Ez ê te bînim bîra xwe ?

Tiştên ku li ve dinyayê diqewimin

Ji bo bûyîn û neqedandina wan

Tu çi dikî ?

Dîwarê mala we ji kevir e

Qey dûmana wî jî ji kevir e ?

Di nav hevalên te î qîzî de

Bi hêstirkên kêfxweşiyê

Wê kes tunebe ku te  paçî bike ?

Ew helbestê ku te jiberkiriye

Ew merivê ku tu lihêviyeyî

Sezai Karakoç (0cak, 1955)

Wergerandina ji Tirkî: Fûad Qaya

Şeveke Qaçax

Şeveke Qaçax

Şevek bi dizîka

Bi qaçaxî

Dest bi rûniştinê dike

Li welatê me

Û

Teyrên hesinî

Dest bi firînê dikin

Di  şeva dizî de

Zarokên me

Hêviyên xwe

Bi rêça hêstiran ve girêdidin

Û

Hêviyên wan dibe gepek nan

Ne azadiya welatek

Her ku teyrên hesinî

Li ser vî welatî difirin

Bi berfê re

Hey waxx!

Agir dibare

Xwîn dibare

Hêstirk dibarin

Û

Şîn dibare

Serwahşek dertê

Daxuyaniyek dide

Dibê:

“Ger ku şaşiyek hebe”

Destpêka gotinên wî

Bi “şaşî” ye

Teyrên wî 34’an kuşt

Wî 40 milyonî

Ger ne bi şaşî bûya

Wê ew bimana “terorîst”

Lê bi şaşiyek ew man “qaçaxçî”

Li Kurdistanê hêjî

Şev e

Teyrên hesinî hêjî

Difirin

Çiyayên me hêjî

Bi berfin

Em hêjî

Bi girîne

Û

Kurdistan hêjî

Ne azad e

Fûad Qaya/Stenbol/4.1.2012

Sersala Du Hezar û Dozdan

Saet berdestê sala nû,

destpêkir,

Şerê min û oxlimna !

De herin wan ‘’fişekên hawayî’’ di ‘’q..ê dêya’’ xwe da biteqînin…

De wunê vêga bêjin lawo Fuado çi heqê te heye tu van çêran dikî…

Çi heqê min heye ez ji we re bêjim..

Çend pîrozbahiyên we têkevin ser hev wê wî canê sebiyê ku ji bo gepek nan bîne mala xwe, ji bo zikên xweşk û birayên xwe têr bike, he wê çend pîrozbahiyên we wî bînin vê heyatê ?

Ya diduwan: Law oxlimno;her roj li welatê we înkarî, bêmafî, bêdadî,newekhevî, zilm, zordarî, zorkerî û qûnektî heye, ji bo vana ji holê rabin we çi kiriye ?

Ya sisêyan: Law oxlimno; wun belkî bêjin em rojbûna cenabê hezretê Îsa pîroz dikin, lawo ka çend kesan ji we bi zimanî îro jê ra di’a kir, çend kesan ji we kitêba wî ya pîroz îro xwend, çend kesan ji we peyamê wî fêm kir ?

Bi Xwedê yê çar û pêncan jî hene,lê belê êdî dilê’m ji we li hevdikeve,ez nikarim binivîsim…

De herin lawo!

De herin oxlimna!

De herin wan ‘’fişekên hewayî’’ di ‘’q..ê dêya’’ xwe de biteqînin…

Fûad Qaya

31.01.2011

Stenbol

Roj wê bê

Xwîna me rijî li deştan û çiyan
Wêran kirin li me gund û bajaran
Di warê bavê xwe de em bûne mihacir
Wek bazên perşikestî mane li bin dest neyaran

Ew roj wê bê ew roja Newrozê
Cejnekî xweş bo Kurda pîroz e
Ew roja serxwebûna Kurdistan
Ew roj e, roja şahî ye Newroza Kurdistan

Bi hêvî bin van rojan derbaskin
Pêşkevin emê welat xelas kin
Êdî bese dijmin em qirkirin
Bi xwendin û zanîn karbikin bo Kurdistan

Kordno rabin hun ser piyan
Xebat bikin ji bo welat
Wê xilas kin ji bin destan
Şer bikin ji bo welat…